Love Poetry :
Love Poems - Medieval :
Wulf and Eadwacer
Leodum is minum swylce him mon lac gife'
willað hy hine aþecgan, gif he on þreat cymeð.
Ungelic is us.
Wulf is on iege, ic on oþerre.
Fæst is þæt eglond, fenne biworpen.
Sindon wælreowe weras þær on ige'
willað hy hine aþecgan, gif he on þreat cymeð.
Ungelice is us.
Wulfes ic mines widlastum wenum dogode'
þonne hit wæs renig weder ond ic reotugu sæt,
þonne mec se beaducafa bogum bilegde,
wæs me wyn to þon, wæs me hwæþre eac lað.
Wulf, min Wulf, wena me þine
seoce gedydon, þine seldcymas,
murnende mod, nales meteliste.
Gehyrest þu, Eadwacer? Uncerne earne hwelp
bireð Wulf to wuda.
þæt mon eaþe tosliteð þætte næfre gesomnad wæs,
uncer giedd geador.
This tip was submitted by an anonymous visitor to our website.
Love Poetry > Love Poems - Medieval
Printer Friendly Version
Pretty Version - for Gift Giving
Forward Tip To a Friend
|
Bookmark this site so you can reference it any time you need romantic / relationship info in the future!
|
